husn aankhon mein rahe dil mein jawani to rahe

husn āñkhoñ meñ rahe dil meñ javānī to rahe

zindagānī tere hone kī nishānī to rahe

us kī ḳhātir to gavārā koī ban-bās bhī hai

sab ke hoñToñ pe mirī rām-kahānī to rahe

zabt meñ ye bhī hai goyā.ī kā apnā andāz

lab hoñ ḳhāmosh magar ashk-fishānī to rahe

gar ujāloñ se gurezāñ hai dhuñdlakoñ meñ to aa

din ba-har-taur kaTā shaam suhānī to rahe

tū na shīrīñ na maiñ farhād magar yuuñ to mileñ

ham raheñ yā na raheñ apnī kahānī to rahe

aao kuchh der kareñ pahle-pahal kī bāteñ

yaad is pyaar kī vo rasm purānī to rahe

terī āñkheñ to baneñ ḳhushk jazīre 'ja.afar'

ye jo dariyā haiñ to dariyāoñ meñ paanī to rahe

husn aankhon mein rahe dil mein jawani to rahe

zindagani tere hone ki nishani to rahe

us ki KHatir to gawara koi ban-bas bhi hai

sab ke honTon pe meri ram-kahani to rahe

zabt mein ye bhi hai goyai ka apna andaz

lab hon KHamosh magar ashk-fishani to rahe

gar ujalon se gurezan hai dhundlakon mein to aa

din ba-har-taur kaTa sham suhani to rahe

tu na shirin na main farhad magar yun to milen

hum rahen ya na rahen apni kahani to rahe

aao kuchh der karen pahle-pahal ki baaten

yaad is pyar ki wo rasm purani to rahe

teri aankhen to banen KHushk jazire 'jafar'

ye jo dariya hain to dariyaon mein pani to rahe