husn-e-zan kaam lije bad-gumani phir sahi

husn-e-zan kaam liije bad-gumānī phir sahī

be-takalluf aur kiije mehrbānī phir sahī

aaj jo biitī hai dil par mājrā us kā suno

dāstān-e-ishrat-e-ahd-e-javānī phir sahī

zarf se kam vaqt se pahle nahīñ miltī yahāñ

aaj zahr-e-ġham hī pī lo arġhavānī phir sahī

teġh kis ke haath meñ thī kaun thā sīna-sipar

ye kahānī aaj sun lo vo kahānī phir sahī

sham-e-fānūs-e-talab har rañg meñ raushan rahe

ḳhūñ-fishānī ke maze lo gul-fishānī phir sahī

zehn ko mānūs kar detā hai lafzoñ kā tilism

mudda.ā kah dījiye jādū-bayānī phir sahī

kis meñ himmat hai 'farīdī' kaun ye un se kahe

muskurā kar haal sun lo lan-tarānī phir sahī

husn-e-zan kaam lije bad-gumani phir sahi

be-takalluf aur kije mehrbani phir sahi

aaj jo biti hai dil par majra us ka suno

dastan-e-ishrat-e-ahd-e-jawani phir sahi

zarf se kam waqt se pahle nahin milti yahan

aaj zahr-e-gham hi pi lo arghawani phir sahi

tegh kis ke hath mein thi kaun tha sina-sipar

ye kahani aaj sun lo wo kahani phir sahi

sham-e-fanus-e-talab har rang mein raushan rahe

KHun-fishani ke maze lo gul-fishani phir sahi

zehn ko manus kar deta hai lafzon ka tilism

muddaa kah dijiye jadu-bayani phir sahi

kis mein himmat hai 'faridi' kaun ye un se kahe

muskura kar haal sun lo lan-tarani phir sahi