husn ki god mein ishq bhi so gaya bandagi se pare

husn kī god meñ 'ishq bhī so gayā bandagī se pare

ham takalluf kī duniyā basāte rahe sādgī se pare

apnā ghūñghaT kalī ne uThāyā jūñhī ḳhaar hañsne lage

ro ke shabnam ye bolī khile gul yahāñ tāzgī se pare

rahbaroñ kī 'ināyat huī qāfile luT ga.e raah meñ

jis ko dekho vahī rahnumā hai yahāñ rahbarī se pare

aap ko dekh kar yuuñ lagā niiñd meñ jaise chauñkā huuñ maiñ

āgahī kā jahāñ maiñ basātā rahā āgahī se pare

jis ko apnā samajhtā rahā 'umr-bhar vo na merā huā

āñsuoñ kā jahāñ bas rahā hai faqat ḳhāmushī se pare

husn ki god mein 'ishq bhi so gaya bandagi se pare

hum takalluf ki duniya basate rahe sadgi se pare

apna ghunghaT kali ne uThaya junhi KHar hansne lage

ro ke shabnam ye boli khile gul yahan tazgi se pare

rahbaron ki 'inayat hui qafile luT gae rah mein

jis ko dekho wahi rahnuma hai yahan rahbari se pare

aap ko dekh kar yun laga nind mein jaise chaunka hun main

aagahi ka jahan main basata raha aagahi se pare

jis ko apna samajhta raha 'umr-bhar wo na mera hua

aansuon ka jahan bas raha hai faqat KHamushi se pare