husn ko be-naqab dekha hai

husn ko be-naqāb dekhā hai

jyuuñ khulī aañkh ḳhvāb dekhā hai

kaisā hairāngī kā 'ālam hai

farsh par māhtāb dekhā hai

aap pahlū badal ke añgḌā.e

yā koī inqalāb dekhā hai

aap dīkhe to ye lagā jaise

aarzū kā shabāb dekhā hai

chashm-e-nargis meñ laaj ke Dore

yā ki jām-e-sharāb dekhā hai

naaz kis baat par tujhe hai gul

ham ne terā javāb dekhā hai

āshiyāñ ko qafas samajhte haiñ

ham sā ḳhāna-ḳharāb dekhā hai

saath kāñToñ ke jo nahīñ 'rāhī'

aaj aisā gulāb dekhā hai

husn ko be-naqab dekha hai

jyun khuli aankh KHwab dekha hai

kaisa hairangi ka 'alam hai

farsh par mahtab dekha hai

aap pahlu badal ke angDae

ya koi inqalab dekha hai

aap dikhe to ye laga jaise

aarzu ka shabab dekha hai

chashm-e-nargis mein laj ke Dore

ya ki jam-e-sharab dekha hai

naz kis baat par tujhe hai gul

hum ne tera jawab dekha hai

aashiyan ko qafas samajhte hain

hum sa KHana-KHarab dekha hai

sath kanTon ke jo nahin 'rahi'

aaj aisa gulab dekha hai