husul-e-bandagi zahid agar dagh-e-jabin tak hai

husūl-e-bandagī zāhid agar dāġh-e-jabīñ tak hai

ye terī ḳhud-farebī ḳhud tire hadd-e-yaqīñ tak hai

kisī kā husn ḳhud rusvā huā hai donoñ aalam meñ

hamāre ishq kī duniyā jahāñ ham haiñ vahīñ tak hai

itāb-ālūda nazroñ se mujhe o dekhne vaale

ye merī zindagī terī nigāh-e-vāpsīñ tak hai

tasavvur bhī usī kā yaad us kī hai ḳhayāl us kā

ki us pe dil hī kyā qurbāñ mirī jān-e-hazīñ tak hai

'asar' ik din sunā.ūñgā usī ko hāl-e-dil apnā

rasā.ī merī ka.aba tak nahīñ ka.aba-nashīñ tak hai

husul-e-bandagi zahid agar dagh-e-jabin tak hai

ye teri KHud-farebi KHud tere hadd-e-yaqin tak hai

kisi ka husn KHud ruswa hua hai donon aalam mein

hamare ishq ki duniya jahan hum hain wahin tak hai

itab-aluda nazron se mujhe o dekhne wale

ye meri zindagi teri nigah-e-wapsin tak hai

tasawwur bhi usi ka yaad us ki hai KHayal us ka

ki us pe dil hi kya qurban meri jaan-e-hazin tak hai

'asar' ek din sunaunga usi ko haal-e-dil apna

rasai meri kaba tak nahin kaba-nashin tak hai