hun kalbud-e-KHak mein mehman koi din aur

huuñ kālbud-e-ḳhāk meñ mehmāñ koī din aur

qismat meñ hai pābandī-e-zindāñ koī din aur

hai daftar-e-ālam ko zarūrat abhī merī

karnī hai mujhe ḳhidmat-e-unvāñ koī din aur

aane hī ko hai mausam-e-gul ḳhair manā le

dāmāñ koī din aur garebāñ koī din aur

ai abr yūñhī qatra-fashāñ rah abhī kuchh roz

mai-ḳhvāroñ pe hotā rahe ehsāñ koī din aur

āmāda-e-ruḳhsat hai mirā ahd-e-javānī

ḳhātir kā lahū chuus le armāñ koī din aur

kuchh roz Thahar aur bhī ai sham.a-e-shab-afroz

pur-nūr rahe merā shabistāñ koī din aur

kyuuñ rū-kash-e-ālam hai nihāl-e-jigar-afgār

rahnā thā navā-sanj-e-ġhazal-ḳhvāñ koī din aur

hun kalbud-e-KHak mein mehman koi din aur

qismat mein hai pabandi-e-zindan koi din aur

hai daftar-e-alam ko zarurat abhi meri

karni hai mujhe KHidmat-e-unwan koi din aur

aane hi ko hai mausam-e-gul KHair mana le

daman koi din aur gareban koi din aur

ai abr yunhi qatra-fashan rah abhi kuchh roz

mai-KHwaron pe hota rahe ehsan koi din aur

aamada-e-ruKHsat hai mera ahd-e-jawani

KHatir ka lahu chus le arman koi din aur

kuchh roz Thahar aur bhi ai shama-e-shab-afroz

pur-nur rahe mera shabistan koi din aur

kyun ru-kash-e-alam hai nihaal-e-jigar-afgar

rahna tha nawa-sanj-e-ghazal-KHwan koi din aur