huzur aise na kijiye koi mar gaya to

huzūr aise na kījiye koī mar gayā to

balā kā ye vaqt tum pe aa ke Thahar gayā to

ye fikr mujh ko nahīñ ki ḳhurshīd muñh ko aave

ye fikr mujh ko ki tere dil meñ utar gayā to

maiñ tark-e-mai to kiye hue huuñ pe sochtā huuñ

ki pīr-e-mai mere sāmne se guzar gayā to

maiñ muntazir aap kā rahūñgā phir ā.iyegā

karūñ maiñ kaise yaqīñ kahīñ maiñ bhī mar gayā to

maiñ khul ke jiitā nahīñ jiyūñ bhī bhalā maiñ kaise

kahīñ agar jiine se mirā bhī jī bhar gayā to

sitāre kyā haiñ maiñ āsmāñ hī liye phir aa.uuñ

gumāñ ye guzre kahīñ vo kāfir mukar gayā to

vo mere haq meñ gavāhī dene to aa gayā hai

Darā huuñ sach kahne se kahīñ vo bhī Dar gayā to

tumheñ bhī 'hasrat' kī hālat-e-hāl par nahīñ rañj

ġhamoñ kā sailāb samt chhoḌe udhar gayā to

huzur aise na kijiye koi mar gaya to

bala ka ye waqt tum pe aa ke Thahar gaya to

ye fikr mujh ko nahin ki KHurshid munh ko aawe

ye fikr mujh ko ki tere dil mein utar gaya to

main tark-e-mai to kiye hue hun pe sochta hun

ki pir-e-mai mere samne se guzar gaya to

main muntazir aap ka rahunga phir aaiyega

karun main kaise yaqin kahin main bhi mar gaya to

main khul ke jita nahin jiyun bhi bhala main kaise

kahin agar jine se mera bhi ji bhar gaya to

sitare kya hain main aasman hi liye phir aaun

guman ye guzre kahin wo kafir mukar gaya to

wo mere haq mein gawahi dene to aa gaya hai

Dara hun sach kahne se kahin wo bhi Dar gaya to

tumhein bhi 'hasrat' ki haalat-e-haal par nahin ranj

ghamon ka sailab samt chhoDe udhar gaya to