huzur had bhi koi howe intizari ki

huzūr had bhī koī hove intizārī kī

ki intihā huī jaave hai be-qarārī kī

na kuchh kaho ho bulāo ho aur na aao ho

'ajīb tarz hai jānāñ vafā-shi’ārī kī

agar na aanā thā tum ko to kyoñ kiyā vā'da

bahut hī ḳhuub sazā dī hai e'tibārī kī

shab-e-firāq tumhārā hī rāsta dekhā

shab-e-firāq faqat ham ne āh-o-zārī kī

kabhī to hove sahar bhī tumhāre qadmoñ par

tavīl raat bahut hai gunāh-gārī kī

jalā na deve kahīñ dil ko ātish-e-hasrat

ye bujh na paa.ī bahut ham ne ashk-bārī kī

za’īf ho ga.e 'akbar' magar nasha na gayā

javāb hī nahīñ saaqī vo bāda-ḳhvārī kī

huzur had bhi koi howe intizari ki

ki intiha hui jawe hai be-qarari ki

na kuchh kaho ho bulao ho aur na aao ho

'ajib tarz hai jaanan wafa-shi’ari ki

agar na aana tha tum ko to kyon kiya wa'da

bahut hi KHub saza di hai e'tibari ki

shab-e-firaq tumhaara hi rasta dekha

shab-e-firaq faqat hum ne aah-o-zari ki

kabhi to howe sahar bhi tumhaare qadmon par

tawil raat bahut hai gunah-gari ki

jala na dewe kahin dil ko aatish-e-hasrat

ye bujh na pai bahut hum ne ashk-bari ki

za’if ho gae 'akbar' magar nasha na gaya

jawab hi nahin saqi wo baada-KHwari ki