ibtida aur intiha ka silsila koi na tha

ibtidā aur intihā kā silsila koī na thā

tū hī thā har ahd meñ tere sivā koī na thā

āsmāñ kā jab zamīñ se rābta koī na thā

eḌiyāñ ragḌī ga.ī thiiñ mo.ajiza koī na thā

vaqt aisā thā ki apnā aasrā koī na thā

ye galī apnī thī lekin āshnā koī na thā

ḳhvāhishoñ kī sar-bulandī le ke jaatī bhī kahāñ

dā.era thā parbatoñ kā rāsta koī na thā

zehn-o-dil kī dūriyāñ mahfūz thiiñ apnī jagah

aur logoñ ne ye samjhā fāsla koī na thā

shahr-e-pur-āshob kī tamsīl thī apnī hayāt

dil-shikan is se ziyāda vāqi.a koī na thā

apnī apnī dhun meñ the 'ḳhālid' sabhī mahv-e-safar

manzil-e-maqsad kī jānib qāfila koī na thā

ibtida aur intiha ka silsila koi na tha

tu hi tha har ahd mein tere siwa koi na tha

aasman ka jab zamin se rabta koi na tha

eDiyan ragDi gai thin moajiza koi na tha

waqt aisa tha ki apna aasra koi na tha

ye gali apni thi lekin aashna koi na tha

KHwahishon ki sar-bulandi le ke jati bhi kahan

daera tha parbaton ka rasta koi na tha

zehn-o-dil ki duriyan mahfuz thin apni jagah

aur logon ne ye samjha fasla koi na tha

shahr-e-pur-ashob ki tamsil thi apni hayat

dil-shikan is se ziyaada waqia koi na tha

apni apni dhun mein the 'KHalid' sabhi mahw-e-safar

manzil-e-maqsad ki jaanib qafila koi na tha