ibtida ka intiha se rabta bandhe hue

ibtidā kā intihā se rābta bāñdhe hue

ghar se niklā huuñ safar kā mudda.ā bāñdhe hue

be-yaqīnī kā ye aalam ho gayā hai āj-kal

aadmī das das jagah hai aasrā bāñdhe hue

vo to is ke hukm se hotā hai jo bhī faiz ho

kīmiyā kab hai shifā kā mādda bāñdhe hue

fikr-o-fan kī mahfiloñ meñ ab ye manzar aam haiñ

be-hunar be-ilm dastār-e-anā bāñdhe hue

un ke pākīza irādoñ kī hifāzat ai ḳhudā

be-libāsoñ meñ haiñ jo band-e-qabā bāñdhe hue

zindagānī kī haqīqat ye samajh lījiye ki bas

bulbula hai ek tūfān-e-balā bāñdhe hue

kār-āmad jaan kar ik āla-e-guft-o-shunīd

phir rahe haiñ log dāman se qazā bāñdhe hue

ibtida ka intiha se rabta bandhe hue

ghar se nikla hun safar ka muddaa bandhe hue

be-yaqini ka ye aalam ho gaya hai aaj-kal

aadmi das das jagah hai aasra bandhe hue

wo to is ke hukm se hota hai jo bhi faiz ho

kimiya kab hai shifa ka madda bandhe hue

fikr-o-fan ki mahfilon mein ab ye manzar aam hain

be-hunar be-ilm dastar-e-ana bandhe hue

un ke pakiza iradon ki hifazat ai KHuda

be-libason mein hain jo band-e-qaba bandhe hue

zindagani ki haqiqat ye samajh lijiye ki bas

bulbula hai ek tufan-e-bala bandhe hue

kar-amad jaan kar ek aala-e-guft-o-shunid

phir rahe hain log daman se qaza bandhe hue