iqan ke hamrah kuchh auham paDe the

īqān ke hamrāh kuchh auhām paḌe the

ham un kī galī meñ jo sar-e-shām paḌe the

maiñ maan nahīñ paayā magar dekh rahā thā

us shaḳhs kī chaukhaT pe dar-o-bām paḌe the

maiñ ek sadī ba.ad kā ġham dekh rahā thā

aur saath hī din raat ke ālām paḌe the

lākhoñ meñ chunā ham ne usī ek ko varna

piine ko to mahfil meñ ka.ī jaam paḌe the

sarkār se pahle thā ajab naqsha jahāñ kā

masjid thī kahīñ devī kahīñ raam paḌe the

'ājiz' ko baḌā maan hai un sheroñ pe jānāñ

jo tere tavassut se zad-e-ām paḌe the

iqan ke hamrah kuchh auham paDe the

hum un ki gali mein jo sar-e-sham paDe the

main man nahin paya magar dekh raha tha

us shaKHs ki chaukhaT pe dar-o-baam paDe the

main ek sadi baad ka gham dekh raha tha

aur sath hi din raat ke aalam paDe the

lakhon mein chuna hum ne usi ek ko warna

pine ko to mahfil mein kai jam paDe the

sarkar se pahle tha ajab naqsha jahan ka

masjid thi kahin dewi kahin ram paDe the

'ajiz' ko baDa man hai un sheron pe jaanan

jo tere tawassut se zad-e-am paDe the