ijazat jo hoti to ek bar rota

ijāzat jo hotī to ik baar rotā

maiñ do tiin ghanTe lagātār rotā

ye maz.hab na hote agar bechne ko

dukāneñ bhī rotī ye bāzār rotā

maiñ ghar aa gayā huuñ saḌak ro rahī hai

agar maiñ na aatā to ghar-bār rotā

ye kah kar ki ronā hai kamzor kā kaam

maiñ muñh ko chhupā kar mere yaar rotā

koī mujh se kahtā ki jī bhar ke ro le

to terī qasam hai maiñ har baar rotā

na hotā koī ham sā darbān to phir

vahāñ taḳht rote vo darbār rotā

bhagā to vo detā qabīle se mujh ko

magar phir qabīle kā sardār rotā

ijazat jo hoti to ek bar rota

main do tin ghanTe lagatar rota

ye mazhab na hote agar bechne ko

dukanen bhi roti ye bazar rota

main ghar aa gaya hun saDak ro rahi hai

agar main na aata to ghar-bar rota

ye kah kar ki rona hai kamzor ka kaam

main munh ko chhupa kar mere yar rota

koi mujh se kahta ki ji bhar ke ro le

to teri qasam hai main har bar rota

na hota koi hum sa darban to phir

wahan taKHt rote wo darbar rota

bhaga to wo deta qabile se mujh ko

magar phir qabile ka sardar rota