ek aaftab ke ham-sar charagh mera bhi tha

ik āftāb ke ham-sar charāġh merā bhī thā

so kuchh dinoñ to falak par dimāġh merā bhī thā

tire bahisht se guzrā to yaad aayā mujhe

isī tarah kā kahīñ ek baaġh merā bhī thā

use bhī merī talab thī shab-e-chahār-dahum

mah-e-tamām ke siine meñ daaġh merā bhī thā

jahāñ tū khoj rahā thā bujhe sitāroñ ko

unhī kī raakh meñ pinhāñ surāġh merā bhī thā

phir ek shaam baḌī der ham ikaTThe rahe

thiiñ fursateñ use vaqt-e-farāġh merā bhī thā

uThī na jis kī taraf chashm-e-multafit us kī

usī qatār meñ 'āzar' ayāġh merā bhī thā

ek aaftab ke ham-sar charagh mera bhi tha

so kuchh dinon to falak par dimagh mera bhi tha

tere bahisht se guzra to yaad aaya mujhe

isi tarah ka kahin ek bagh mera bhi tha

use bhi meri talab thi shab-e-chahaar-dahum

mah-e-tamam ke sine mein dagh mera bhi tha

jahan tu khoj raha tha bujhe sitaron ko

unhi ki rakh mein pinhan suragh mera bhi tha

phir ek sham baDi der hum ikaTThe rahe

thin fursaten use waqt-e-faragh mera bhi tha

uThi na jis ki taraf chashm-e-multafit us ki

usi qatar mein 'azar' ayagh mera bhi tha