ek aagahi ki tapish thi jo kargar kar li

ik āgahī kī tapish thī jo kārgar kar lī

dahakte shāloñ pe ham ne guzar basar kar lī

ġham-o-alam kī fazā jis ne mushtahar kar lī

ġhazab kiyā ki ye tahqīr dar-ba-dar kar lī

tamām umr kī uftād dar-guzar kar lī

ba-zauq-o-shauq shab-e-zīst kī sahar kar lī

jise bhī honā ho ham se kināra-kash ho le

ki ham ne apnī ravish ġhair mo'atabar kar lī

na aadmī se sivā ham ko pur-vaqār milā

ki sair-e-dair-o-haram ham ne umr bhar kar lī

vo gum-shuda huuñ ki duniyā mirī talāsh meñ hai

nashāt-e-ġham meñ alag apnī rahguzar kar lī

har ek fard ko ḳhud se bhī mo'atabar paayā

jab apne nāma-e-a.amāl par nazar kar lī

chalo tamām huā qissa-e-nasheb-o-farāz

zahe-nasīb ki takmīl-e-dard-e-sar kar lī

ye būd-o-bāsh kahāñ iḳhtiyār kī 'hāmid'

ki ham ne apnī hī taḳhlīq be-asar kar lī

ek aagahi ki tapish thi jo kargar kar li

dahakte shaalon pe hum ne guzar basar kar li

gham-o-alam ki faza jis ne mushtahar kar li

ghazab kiya ki ye tahqir dar-ba-dar kar li

tamam umr ki uftad dar-guzar kar li

ba-zauq-o-shauq shab-e-zist ki sahar kar li

jise bhi hona ho hum se kinara-kash ho le

ki hum ne apni rawish ghair mo'atabar kar li

na aadmi se siwa hum ko pur-waqar mila

ki sair-e-dair-o-haram hum ne umr bhar kar li

wo gum-shuda hun ki duniya meri talash mein hai

nashat-e-gham mein alag apni rahguzar kar li

har ek fard ko KHud se bhi mo'atabar paya

jab apne nama-e-amal par nazar kar li

chalo tamam hua qissa-e-nasheb-o-faraaz

zahe-nasib ki takmil-e-dard-e-sar kar li

ye bud-o-bash kahan iKHtiyar ki 'hamid'

ki hum ne apni hi taKHliq be-asar kar li