ek aarzu nazar se jhalakti zarur hai

ik aarzū nazar se jhalaktī zarūr hai

dil ke qarīb barq chamaktī zarūr hai

mohtāt chashm-e-shauq rahe laakh bazm meñ

mauj-e-sharāb-e-jām chhalaktī zarūr hai

hangāma-e-sukūt meñ hai rabt-e-soz-e-ġham

rātoñ meñ din kī aag dahaktī zarūr hai

zo.am-e-shu.ūr kaif anā lutf āgahī

is be-ḳhudī meñ fikr bahaktī zarūr hai

chaltī hai jab bhī dil meñ havā tajrabāt kī

shāḳh-e-gul-e-shu.ūr mahaktī zarūr hai

sapnoñ ke is khañDar meñ shab-e-ġham ke saaz par

parchhā.īñ sī kisī kī thiraktī zarūr hai

soz-e-jafā to māñge hai shabnam nigāh kī

varna ye dhīmī aañch bhaḌaktī zarūr hai

sañvlā na jaa.e chāñd tasavvur kī raat kā

pichhle kī chāñdnī bhī chaTaktī zarūr hai

chhuptī hai kab chhupāne se koī kasak 'kalīm'

rang-e-ġhazal se tere jhalaktī zarūr hai

ek aarzu nazar se jhalakti zarur hai

dil ke qarib barq chamakti zarur hai

mohtat chashm-e-shauq rahe lakh bazm mein

mauj-e-sharab-e-jam chhalakti zarur hai

hangama-e-sukut mein hai rabt-e-soz-e-gham

raaton mein din ki aag dahakti zarur hai

zoam-e-shuur kaif ana lutf aagahi

is be-KHudi mein fikr bahakti zarur hai

chalti hai jab bhi dil mein hawa tajrabaat ki

shaKH-e-gul-e-shuur mahakti zarur hai

sapnon ke is khanDar mein shab-e-gham ke saz par

parchhain si kisi ki thirakti zarur hai

soz-e-jafa to mange hai shabnam nigah ki

warna ye dhimi aanch bhaDakti zarur hai

sanwla na jae chand tasawwur ki raat ka

pichhle ki chandni bhi chaTakti zarur hai

chhupti hai kab chhupane se koi kasak 'kalim'

rang-e-ghazal se tere jhalakti zarur hai