ek ajnabi hai mera us se wasta bhi nahin

ik ajnabī hai mirā us se vāsta bhī nahīñ

magar ye kyā ki kisī lamhe bhūltā bhī nahīñ

firāq-e-yār kā ehsās Das rahā hai mujhe

maiñ so bhī saktā nahīñ aur jāgtā bhī nahīñ

tumhārī pyaas bujhāne ko ḳhār-zār-e-junūñ

hamāre paañv ke talvoñ meñ aabla bhī nahīñ

bajā ki aap ke shāyāñ nahīñ hai zaat mirī

ba-sad-ḳhulūs jo dekho to phir burā bhī nahīñ

kahīñ pe raat bhī raushan huī hai din kī tarah

kahīñ pe din hai magar un kī raat sā bhī nahīñ

bhalā huā ki sar-e-bazm mulāqāt na huī

unheñ maiñ dekh sakūñ itnā hausla bhī nahīñ

ek ajnabi hai mera us se wasta bhi nahin

magar ye kya ki kisi lamhe bhulta bhi nahin

firaq-e-yar ka ehsas Das raha hai mujhe

main so bhi sakta nahin aur jagta bhi nahin

tumhaari pyas bujhane ko KHar-zar-e-junun

hamare panw ke talwon mein aabla bhi nahin

baja ki aap ke shayan nahin hai zat meri

ba-sad-KHulus jo dekho to phir bura bhi nahin

kahin pe raat bhi raushan hui hai din ki tarah

kahin pe din hai magar un ki raat sa bhi nahin

bhala hua ki sar-e-bazm mulaqat na hui

unhen main dekh sakun itna hausla bhi nahin