ek bar hi ji bhar ke saza kyun nahin dete
ik baar hī jī bhar ke sazā kyuuñ nahīñ dete
gar harf-e-ġhalat huuñ to miTā kyuuñ nahīñ dete
aise hī agar mūnis-o-ġham-ḳhvār ho mere
yaaro mujhe marne kī duā kyuuñ nahīñ dete
ab shiddat-e-ġham se mirā dam ghuTne lagā hai
tum reshmī zulfoñ kī havā kyuuñ nahīñ dete
fardā ke dhuñdlakoñ meñ mujhe DhūñDne vaalo
maazī ke darīchoñ se sadā kyuuñ nahīñ dete
motī huuñ to phir sozan-e-mizhgāñ se piro lo
aañsū ho to dāman pe girā kyuuñ nahīñ dete
saaya huuñ to phir saath na rakhne kā sabab kyā
patthar huuñ to raste se haTā kyuuñ nahīñ dete
ek bar hi ji bhar ke saza kyun nahin dete
gar harf-e-ghalat hun to miTa kyun nahin dete
aise hi agar munis-o-gham-KHwar ho mere
yaro mujhe marne ki dua kyun nahin dete
ab shiddat-e-gham se mera dam ghuTne laga hai
tum reshmi zulfon ki hawa kyun nahin dete
farda ke dhundlakon mein mujhe DhunDne walo
mazi ke darichon se sada kyun nahin dete
moti hun to phir sozan-e-mizhgan se piro lo
aansu ho to daman pe gira kyun nahin dete
saya hun to phir sath na rakhne ka sabab kya
patthar hun to raste se haTa kyun nahin dete
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
