ek badan ek safar ek guman aur main

ik badan ik safar ik gumāñ aur maiñ

āsmāñ duur tak be-nishāñ aur maiñ

uḌ ga.e rang sab us kī tasvīr ke

ek be-chehragī hai ayaañ aur maiñ

ham safar ham abad se azal tak rahe

ik sulagtā huā dil dhuāñ aur maiñ

silsila dard kā TūTtā hī nahīñ

shab se din din se shab be-karāñ aur maiñ

ek shai raushnī ek shai tīrgī

vus.at-e-ḳhāmushī darmiyāñ aur maiñ

ḳhaak biite dinoñ kī sañbhāle hue

haiñ ġham-e-lā-makāñ rā.egāñ aur maiñ

gardish-e-vaqt 'mīrā' ta.āqub meñ hai

rafta rafta hai nafs-e-girāñ aur maiñ

ek badan ek safar ek guman aur main

aasman dur tak be-nishan aur main

uD gae rang sab us ki taswir ke

ek be-chehragi hai ayan aur main

hum safar hum abad se azal tak rahe

ek sulagta hua dil dhuan aur main

silsila dard ka TuTta hi nahin

shab se din din se shab be-karan aur main

ek shai raushni ek shai tirgi

wusat-e-KHamushi darmiyan aur main

KHak bite dinon ki sanbhaale hue

hain gham-e-la-makan raegan aur main

gardish-e-waqt 'mira' taaqub mein hai

rafta rafta hai nafs-e-giran aur main