ek barq hai hujum-e-taqaza liye hue

ik barq hai hujūm-e-taqāzā liye hue

jaane maiñ aa gayā huuñ yahāñ kyā liye hue

mahmil kī oT meñ lab-e-lailā shafaq-farosh

dasht-e-junūñ meñ qais hai ġhauġhā liye hue

ik tū ki be-hijāb na honā tirī adā

ik maiñ ki shauq-e-dīd kī duniyā liye hue

ik tū ki apne husn kī hai aap hī dalīl

ik maiñ ki tere ishq kā da.avā liye hue

ik tū ki terī mast nigāhoñ meñ mai-kade

ik maiñ ki lab pe hasrat-e-sahbā liye hue

maqsūd imtihān hai rindoñ ke zarf kā

phirtā huuñ bazm bazm maiñ miinā liye hue

itnā asar to shaiḳh kī sohbat kā hai 'amīñ'

hāthoñ meñ jaam lab pe huuñ tauba liye hue

ek barq hai hujum-e-taqaza liye hue

jaane main aa gaya hun yahan kya liye hue

mahmil ki oT mein lab-e-laila shafaq-farosh

dasht-e-junun mein qais hai ghaugha liye hue

ek tu ki be-hijab na hona teri ada

ek main ki shauq-e-did ki duniya liye hue

ek tu ki apne husn ki hai aap hi dalil

ek main ki tere ishq ka dawa liye hue

ek tu ki teri mast nigahon mein mai-kade

ek main ki lab pe hasrat-e-sahba liye hue

maqsud imtihan hai rindon ke zarf ka

phirta hun bazm bazm main mina liye hue

itna asar to shaiKH ki sohbat ka hai 'amin'

hathon mein jam lab pe hun tauba liye hue