ek bhala kaam koi kar ke dikhao to sahi

ik bhalā kaam koī kar ke dikhāo to sahī

koī girtī huī dīvār uThāo to sahī

toḌ denā to kisī chiiz kā āsāñ hai bahut

dil ke TuuTe hue TukḌoñ ko milāo to sahī

jazba-e-ishq kī tāsīr dikhānī hai tumheñ

ham manā leñge tumheñ ruuTh ke jaao to sahī

ma.arka sar koī karnā hai agar duniyā meñ

muttahid ho ke sabhī sāmne aao to sahī

har taraf dushman-e-jāñ taak meñ baiThe haiñ bahut

kholo āñkhoñ ko zarā hosh meñ aao to sahī

zad meñ aa.egā tumhārā bhī makāñ āḳhir-kār

apne ham-sāya ke ghar aag lagāo to sahī

yaar badlo to sahī rang-e-taġhazzul apnā

ik na.ī baat raqam kar ke dikhāo to sahī

tum ko aa jā.egā gir gir ke sañbhalnā ai 'yās'

aur kuchh roz abhī Thokareñ khaao to sahī

ek bhala kaam koi kar ke dikhao to sahi

koi girti hui diwar uThao to sahi

toD dena to kisi chiz ka aasan hai bahut

dil ke TuTe hue TukDon ko milao to sahi

jazba-e-ishq ki tasir dikhani hai tumhein

hum mana lenge tumhein ruTh ke jao to sahi

marka sar koi karna hai agar duniya mein

muttahid ho ke sabhi samne aao to sahi

har taraf dushman-e-jaan tak mein baiThe hain bahut

kholo aankhon ko zara hosh mein aao to sahi

zad mein aaega tumhaara bhi makan aaKHir-kar

apne ham-saya ke ghar aag lagao to sahi

yar badlo to sahi rang-e-taghazzul apna

ek nai baat raqam kar ke dikhao to sahi

tum ko aa jaega gir gir ke sanbhalna ai 'yas'

aur kuchh roz abhi Thokaren khao to sahi