ek charagh-e-dil faqat raushan agar mera bhi hai

ik charāġh-e-dil faqat raushan agar merā bhī hai

rahnumā merā bhī hai phir rāhbar merā bhī hai

ab talak hairān huuñ maiñ raat ke us ḳhvāb se

ḳhuun kī barsāt hai ghar tar-ba-tar merā bhī hai

shart har manzūr kar lī zindagī kī maiñ ne bhī

dastaḳhat ab is qarār-e-zīst par merā bhī hai

yuuñ bahāroñ ke liye mahv-e-duā rahtā huuñ maiñ

phuul kī mānind ik laḳht-e-jigar merā bhī hai

husn hai tū terā bhī charchā rahegā dā.imī

ishq huuñ maiñ aur afsāna amar merā bhī hai

peḌ miTTī dhuup paanī meñ adāvat ho ga.ī

phuul lagte hī sabhī bole samar merā bhī hai

māh-o-anjum rakh na rakh us meñ mire mālik magar

āsmāñ ik chāhiye mujh ko ki sar merā bhī hai

ālamoñ kī baat kā 'saurabh' bharosa hai mujhe

tajraba kuchh zindagī kā haañ magar merā bhī hai

ek charagh-e-dil faqat raushan agar mera bhi hai

rahnuma mera bhi hai phir rahbar mera bhi hai

ab talak hairan hun main raat ke us KHwab se

KHun ki barsat hai ghar tar-ba-tar mera bhi hai

shart har manzur kar li zindagi ki main ne bhi

dastaKHat ab is qarar-e-zist par mera bhi hai

yun bahaaron ke liye mahw-e-dua rahta hun main

phul ki manind ek laKHt-e-jigar mera bhi hai

husn hai tu tera bhi charcha rahega daimi

ishq hun main aur afsana amar mera bhi hai

peD miTTi dhup pani mein adawat ho gai

phul lagte hi sabhi bole samar mera bhi hai

mah-o-anjum rakh na rakh us mein mere malik magar

aasman ek chahiye mujh ko ki sar mera bhi hai

aalamon ki baat ka 'saurabh' bharosa hai mujhe

tajraba kuchh zindagi ka han magar mera bhi hai