ek dafa usko to yun bhi aazmana hai mujhe

ik dafa us ko to yuuñ bhī āzmānā hai mujhe

āñsuoñ ko aañkh kā paanī batānā hai mujhe

jaañ bahut itrā rahā hai ab to ā.īna mirā

aao ā.īne ko ā.īna dikhānā hai mujhe

ḳhud mujhe to banñā hai misra-e-ūlā sher meñ

tum ko us kā misra-e-sānī banānā hai mujhe

ruḳh se zulfoñ ko haTāte aao chhat pe raat ko

asl chehra chāñd kā sab ko dikhānā hai mujhe

us ne bolā chhoḌ duuñ cigarette maiñ ab to ya.anī ki

hoñTh se ab us ke hoñToñ ko lagānā hai mujhe

ab ziyāda ho chukā hai ronā-dhonā hijr kā

ab to is ke ba.ad kā manzar dikhānā hai mujhe

kyoñ kahūñ mujh ko mohabbat ruuh kī hai tum se jaan

āḳhirash tum ko to bāñhoñ meñ hī laanā hai mujhe

ek dafa us ko to yun bhi aazmana hai mujhe

aansuon ko aankh ka pani batana hai mujhe

jaan bahut itra raha hai ab to aaina mera

aao aaine ko aaina dikhana hai mujhe

KHud mujhe to banna hai misra-e-ula sher mein

tum ko us ka misra-e-sani banana hai mujhe

ruKH se zulfon ko haTate aao chhat pe raat ko

asl chehra chand ka sab ko dikhana hai mujhe

us ne bola chhoD dun cigarette main ab to yani ki

honTh se ab us ke honTon ko lagana hai mujhe

ab ziyaada ho chuka hai rona-dhona hijr ka

ab to is ke baad ka manzar dikhana hai mujhe

kyon kahun mujh ko mohabbat ruh ki hai tum se jaan

aaKHirash tum ko to banhon mein hi lana hai mujhe