ek din dukh ki shiddat kam paD jati hai
ik din dukh kī shiddat kam paḌ jaatī hai
kaisī bhī ho vahshat kam paḌ jaatī hai
zinda rahne kā nashsha hī aisā hai
jitnī bhī ho muddat kam paḌ jaatī hai
apne aap se miltā huuñ maiñ fursat meñ
aur phir mujh ko fursat kam paḌ jaatī hai
sahrā meñ aa nikle to ma.alūm huā
tanhā.ī ko vus.at kam paḌ jaatī hai
kuchh aisī bhī dil kī bāteñ hotī haiñ
jin bātoñ ko ḳhalvat kam paḌ jaatī hai
ik din yuuñ hotā hai ḳhush rahte rahte
ḳhush rahne kī aadat kam paḌ jaatī hai
kāshif-'ġhā.er' dil kā qarz chukāne meñ
duniyā bhar kī daulat kam paḌ jaatī hai
ek din dukh ki shiddat kam paD jati hai
kaisi bhi ho wahshat kam paD jati hai
zinda rahne ka nashsha hi aisa hai
jitni bhi ho muddat kam paD jati hai
apne aap se milta hun main fursat mein
aur phir mujh ko fursat kam paD jati hai
sahra mein aa nikle to malum hua
tanhai ko wusat kam paD jati hai
kuchh aisi bhi dil ki baaten hoti hain
jin baaton ko KHalwat kam paD jati hai
ek din yun hota hai KHush rahte rahte
KHush rahne ki aadat kam paD jati hai
kashif-'ghaer' dil ka qarz chukane mein
duniya bhar ki daulat kam paD jati hai
- Book : Ek Shaam Tumhare Hisse Ki (Pg. 21)
- Author : Kashif Husain Ghair
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
