ek diya aankh ke muqabil ho

ik diyā aañkh ke muqābil ho

raushnī tīrgī kā hāsil ho

jo masīhā.ī kar rahā hai abhī

ain mumkin hai dast-e-qātil ho

tum hasīñ ho magar zarūrī nahīñ

har koī husn hī se qaa.el ho

ba.az raste tavīl hote haiñ

ant lāzim nahīñ ki manzil ho

dar pe aaya hai to falā-tanhar

kyā ḳhabar rab kā bhejā saa.il ho

ye faqat ishq ke marātib haiñ

ḳhuld meñ habshī pahle dāḳhil ho

aañkh meñ aks DhūñDne vaale

bahr kā lāzmī hai sāhil ho

haq muazzam hai is liye 'alvī'

sāmne jo bhī aa.e bātil ho

ek diya aankh ke muqabil ho

raushni tirgi ka hasil ho

jo masihai kar raha hai abhi

ain mumkin hai dast-e-qatil ho

tum hasin ho magar zaruri nahin

har koi husn hi se qael ho

baz raste tawil hote hain

ant lazim nahin ki manzil ho

dar pe aaya hai to fala-tanhar

kya KHabar rab ka bheja sail ho

ye faqat ishq ke maraatib hain

KHuld mein habshi pahle daKHil ho

aankh mein aks DhunDne wale

bahr ka lazmi hai sahil ho

haq muazzam hai is liye 'alwi'

samne jo bhi aae baatil ho