ek diya jalta hua bujhta hua

ik diyā jaltā huā bujhtā huā

huuñ havā kī raah meñ rakkhā huā

shahr vaale kab hameñ pahchānte

gaañv vāloñ ko ḳhudāyā kyā huā

aa.ina lahrā rahā thā ab kī baar

'aks thā apnī jagah Thahrā huā

kyoñ na ho āḳhir mirī miTTī ḳharāb

thā jo mujh se kūza-gar rūThā huā

shahr kī tāmīr-e-nau kā ishtihār

TūTtī dīvār par likkhā huā

kis tarah hotā samā'at āshnā

lafz thā āvāz meñ aTkā huā

ho hī jā.egā darindoñ kā shikār

apne ġhalle se hiran bichhḌā huā

phir se us khiḌkī meñ kuchh aahaT huī

phir se jogī kā udhar pahrā huā

ghar meñ zikr-e-ḳhair ho jaa.e zarā

huuñ abhī dahlīz par baiThā huā

sher the nā-ittifāqī kā shikār

kal lakaḌ-baggh.on kā phir hamla huā

kaash bairūn-e-'adālat dekh leñ

apne haq meñ faisla hotā huā

ek diya jalta hua bujhta hua

hun hawa ki rah mein rakkha hua

shahr wale kab hamein pahchante

ganw walon ko KHudaya kya hua

aaina lahra raha tha ab ki bar

'aks tha apni jagah Thahra hua

kyon na ho aaKHir meri miTTi KHarab

tha jo mujh se kuza-gar ruTha hua

shahr ki tamir-e-nau ka ishtihaar

TuTti diwar par likkha hua

kis tarah hota sama'at aashna

lafz tha aawaz mein aTka hua

ho hi jaega darindon ka shikar

apne ghalle se hiran bichhDa hua

phir se us khiDki mein kuchh aahaT hui

phir se jogi ka udhar pahra hua

ghar mein zikr-e-KHair ho jae zara

hun abhi dahliz par baiTha hua

sher the na-ittifaqi ka shikar

kal lakaD-bagghon ka phir hamla hua

kash bairun-e-'adalat dekh len

apne haq mein faisla hota hua