ek dost bewafa jo hua to pata chala

ik dost bevafā jo huā to pata chalā

vo saath chalte chalte rukā to pata chalā

raste ke bīchoñ-bīch paḌā thā maiñ khā ke ġhash

logoñ ke muñh se jab ye sunā to pata chalā

yā ḳhush thā yā udaas thā hamrāh mere vo

maiñ us ke darmiyāñ se haTā to pata chalā

kartā thā tazkira vo mire āñsuoñ pe roz

ranj-o-alam se paalā paḌā to pata chalā

anmol kis qadar thā kisī ko ḳhabar na thī

duniyā se jab chalā vo gayā to pata chalā

āsān 'āshiqī hai samajhte the sab yahī

sach kyā hai maiñ ne jab ye likhā to pata chalā

bastī meñ jis ne aag lagā.ī thī dosto

ab us kā hī makān jalā to pata chalā

vāqif nahīñ thā apnī tabī'at se 'arsalān'

kuchh roz mere saath rahā to pata chalā

ek dost bewafa jo hua to pata chala

wo sath chalte chalte ruka to pata chala

raste ke bichon-bich paDa tha main kha ke ghash

logon ke munh se jab ye suna to pata chala

ya KHush tha ya udas tha hamrah mere wo

main us ke darmiyan se haTa to pata chala

karta tha tazkira wo mere aansuon pe roz

ranj-o-alam se pala paDa to pata chala

anmol kis qadar tha kisi ko KHabar na thi

duniya se jab chala wo gaya to pata chala

aasan 'ashiqi hai samajhte the sab yahi

sach kya hai main ne jab ye likha to pata chala

basti mein jis ne aag lagai thi dosto

ab us ka hi makan jala to pata chala

waqif nahin tha apni tabi'at se 'arsalan'

kuchh roz mere sath raha to pata chala