ik-duje mein bhi to raha ja sakta hai
ik-dūje meñ bhī to rahā jā saktā hai
hijr abhī kuchh din Taalā jā saktā hai
yuuñ bhī to kitnī chīzeñ haiñ is ghar meñ
merā dil kuchh roz rakhā jā saktā hai
ḳhaar agar haiñ phuul bhī to hai thoḌe se
dāman ko to mahkāyā jā saktā hai
kaash mirā dil vo bachcha hī rahtā jo
āsānī se bahlāyā jā saktā hai
pairāhan alfāz ke būToñ vaalā ik
ḳhāmoshī ko pahnāyā jā saktā hai
TuuT ke hī ehsās mujhe ye ho paayā
dard abhī kuchh aur sahā jā saktā hai
aap ḳhudā hone kī koshish meñ haiñ par
sirf āshnā bhī to huā jā saktā hai
ik-duje mein bhi to raha ja sakta hai
hijr abhi kuchh din Tala ja sakta hai
yun bhi to kitni chizen hain is ghar mein
mera dil kuchh roz rakha ja sakta hai
KHar agar hain phul bhi to hai thoDe se
daman ko to mahkaya ja sakta hai
kash mera dil wo bachcha hi rahta jo
aasani se bahlaya ja sakta hai
pairahan alfaz ke buTon wala ek
KHamoshi ko pahnaya ja sakta hai
TuT ke hi ehsas mujhe ye ho paya
dard abhi kuchh aur saha ja sakta hai
aap KHuda hone ki koshish mein hain par
sirf aashna bhi to hua ja sakta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
