ik-duje se KHafa-KHafa se hain abhi se hum

ik-dūje se ḳhafā-ḳhafā se haiñ abhī se ham

behtar ye hai ki duur ho jaa.eñ ḳhushī se ham

ḳhud meñ talāsh karte haiñ koī nayā hunar

ḳharcha nikāl paate nahīñ shā'irī se ham

nafrat sī ho ga.ī hai mohabbat ke naam se

photo haTā chuke haiñ tirā Diary se ham

Thukrā diyā hamārī mohabbat ko us ne yaar

haañ kartī gar vo mar ga.e hote ḳhushī se ham

mā'lūm thā hameñ ki sitamgar hai tū magar

uljhan meñ paḌ ga.e haiñ tirī sādgī se ham

dushvār lagtā hai hameñ sāñseñ bhī lenā ab

yaar aise tang aa chuke haiñ zindagī se ham

har baar terā chehra hameñ yaad aatā hai

jab jab sanam guzarte haiñ terī galī se ham

tujh ko bhī kaam aanā nahīñ vaqt par kabhī

kyā naaz uThā.eñ aisī tirī dostī kā ham

ghar meñ parinde paal liye ham ne 'sād' ab

ummīd kyā rakheñ vafā kī aadmī se ham

ik-duje se KHafa-KHafa se hain abhi se hum

behtar ye hai ki dur ho jaen KHushi se hum

KHud mein talash karte hain koi naya hunar

KHarcha nikal pate nahin sha'iri se hum

nafrat si ho gai hai mohabbat ke nam se

photo haTa chuke hain tera Diary se hum

Thukra diya hamari mohabbat ko us ne yar

han karti gar wo mar gae hote KHushi se hum

ma'lum tha hamein ki sitamgar hai tu magar

uljhan mein paD gae hain teri sadgi se hum

dushwar lagta hai hamein sansen bhi lena ab

yar aise tang aa chuke hain zindagi se hum

har bar tera chehra hamein yaad aata hai

jab jab sanam guzarte hain teri gali se hum

tujh ko bhi kaam aana nahin waqt par kabhi

kya naz uThaen aisi teri dosti ka hum

ghar mein parinde pal liye hum ne 'sad' ab

ummid kya rakhen wafa ki aadmi se hum