ek gham-nasib ko tere gham se mafar nahin

ik ġham-nasīb ko tire ġham se mafar nahīñ

fikr-e-jahāñ se muḳhlisī hai bhī magar nahīñ

vo āshnā nigāh kam-āmez hī rahī

is nā-murād dil kī duā meñ asar nahīñ

mizhgāñ harīf-e-kāvish-e-nāḳhun na ho sakīñ

sozish to hai pe lazzat-e-zaḳhm-e-jigar nahīñ

ranj-e-girāñ ke bojh se taare bhī thak ga.e

is zulmat-e-firāq kī shāyad sahar nahīñ

phir bhī na jaane qalb-o-nazar muntazir haiñ kyoñ

muddat se koī saaya lab-e-bām par nahīñ

vāmāñdgī-e-dasht-e-tahayyur hai aur maiñ

ye muḳhtasar hayāt magar muḳhtasar nahīñ

siine kī zulmatoñ meñ sulagtā hai soz-e-ishq

dhuñdlī sī ek yaad ki nazdīk-tar nahīñ

sahrā-e-ārzū meñ jaras hai na sang-e-mīl

dariyā-e-ḳhāk-o-ḳhūñ hai tirī rahguzar nahīñ

ek gham-nasib ko tere gham se mafar nahin

fikr-e-jahan se muKHlisi hai bhi magar nahin

wo aashna nigah kam-amez hi rahi

is na-murad dil ki dua mein asar nahin

mizhgan harif-e-kawish-e-naKHun na ho sakin

sozish to hai pe lazzat-e-zaKHm-e-jigar nahin

ranj-e-giran ke bojh se tare bhi thak gae

is zulmat-e-firaq ki shayad sahar nahin

phir bhi na jaane qalb-o-nazar muntazir hain kyon

muddat se koi saya lab-e-baam par nahin

wamandgi-e-dasht-e-tahayyur hai aur main

ye muKHtasar hayat magar muKHtasar nahin

sine ki zulmaton mein sulagta hai soz-e-ishq

dhundli si ek yaad ki nazdik-tar nahin

sahra-e-arzu mein jaras hai na sang-e-mil

dariya-e-KHak-o-KHun hai teri rahguzar nahin