ek ghar bana lete jahan aisa nagar koi na tha

ik ghar banā lete jahāñ aisā nagar koī na thā

ham 'umr bhar chalte rahe aur ham-safar koī na thā

ham ko sadā us paar se āvāz sī aatī rahī

jab fāsle tai kar liye dekhā udhar koī na thā

patthar ko maanā devtā lekin vo patthar hī rahā

ham giḌgiḌāte hī rahe us par asar koī na thā

ḳhush-fahmiyoñ meñ ham ne kitnā vaqt zaa.e' kar diyā

zinda rahe kis ke liye apnā agar koī na thā

ham ko hamāre baa'd koī yaad kartā kis liye

kuchh she'r kahne ke sivā ham meñ hunar koī na thā

ek ghar bana lete jahan aisa nagar koi na tha

hum 'umr bhar chalte rahe aur ham-safar koi na tha

hum ko sada us par se aawaz si aati rahi

jab fasle tai kar liye dekha udhar koi na tha

patthar ko mana dewta lekin wo patthar hi raha

hum giDgiDate hi rahe us par asar koi na tha

KHush-fahmiyon mein hum ne kitna waqt zae' kar diya

zinda rahe kis ke liye apna agar koi na tha

hum ko hamare ba'd koi yaad karta kis liye

kuchh she'r kahne ke siwa hum mein hunar koi na tha