ek hamin silsila-e-shauq sambhaale hue hain
ik hamīñ silsila-e-shauq sambhāle hue haiñ
vo to sab ahd-e-vafā hashr pe Taale hue haiñ
valvale dil ke sambhalte hī nahīñ siine meñ
jaane kis chāñd ke ye bahr uchhāle hue haiñ
qariya-e-ḳhvāb ki jis nuur nahāyā huā hai
ham usī se ye shab o roz ujāle hue haiñ
vaqt duniyā meñ phirātā hai dinoñ ko kyā kyā
dekh jo koh the vo ruuī ke gaale hue haiñ
tū mile yā na mile jo ho muqaddar apnā
kyā ye kam hai ki tire chāhne vaale hue haiñ
gūñdh kar Dhaal kisī sūrat-e-yaktā.ī meñ
jaan o tan qalb o nazar tere havāle hue haiñ
ek hamin silsila-e-shauq sambhaale hue hain
wo to sab ahd-e-wafa hashr pe Tale hue hain
walwale dil ke sambhalte hi nahin sine mein
jaane kis chand ke ye bahr uchhaale hue hain
qariya-e-KHwab ki jis nur nahaya hua hai
hum usi se ye shab o roz ujale hue hain
waqt duniya mein phiraata hai dinon ko kya kya
dekh jo koh the wo rui ke gale hue hain
tu mile ya na mile jo ho muqaddar apna
kya ye kam hai ki tere chahne wale hue hain
gundh kar Dhaal kisi surat-e-yaktai mein
jaan o tan qalb o nazar tere hawale hue hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
