ek hawa uTThegi sare baal-o-par le jaegi

ik havā uTThegī saare bāl-o-par le jā.egī

ye na.ī rut ab ke sab kuchh luuT kar le jā.egī

ek ḳhadsha pahle darvāze se apne saath hai

rāstoñ kī dilkashī ḳhū-e-safar le jā.egī

ek chaurāhe pe lā kar chhup gayā hai āftāb

koī āvāra karan ab dar-ba-dar le jā.egī

ik tavaqqo le ke Takrāyā huuñ har rahrav ke saath

koī jhuñjhlā.ī huī Thokar to ghar le jā.egī

dil ke kaale ġhaar meñ sāñsoñ ke patthar jab gire

ek saa.at kī chamak sadiyoñ ke Dar le jā.egī

fikr ko 'sajjād' pahnā.e pasandīda libās

ye nahīñ sochā ki vo gahrā asar le jā.egī

ek hawa uTThegi sare baal-o-par le jaegi

ye nai rut ab ke sab kuchh luT kar le jaegi

ek KHadsha pahle darwaze se apne sath hai

raston ki dilkashi KHu-e-safar le jaegi

ek chaurahe pe la kar chhup gaya hai aaftab

koi aawara karan ab dar-ba-dar le jaegi

ek tawaqqo le ke Takraya hun har rahraw ke sath

koi jhunjhlai hui Thokar to ghar le jaegi

dil ke kale ghaar mein sanson ke patthar jab gire

ek saat ki chamak sadiyon ke Dar le jaegi

fikr ko 'sajjad' pahnae pasandida libas

ye nahin socha ki wo gahra asar le jaegi