ek ik kar ke polen sari kholunga

ik ik kar ke poleñ saarī kholūñgā

lekin itnī jaldī thoḌī kholūñgā

is ḳhushbū se bas us ko mahkānā hai

maiñ mauqa aane par shīshī kholūñgā

mil jā.egā chehra mere matlab kā

tab jā kar āñkhoñ kī paTTī kholūñgā

tum ne vaqt liyā thā sikka chunñe meñ

so maiñ bhī ab der se muTThī kholūñgā

yuuñ na lage maiñ us kī raah meñ baiThā thā

is baarī ārām se kunDī kholūñgā

class meñ baiThe ghanToñ dekhūñgā us ko

teacher Tokegī tab copy kholūñgā

socho mat bas bāñdho mere hāthoñ ko

phir maiñ jānūñ kaise rassī kholūñgā

ek ek kar ke polen sari kholunga

lekin itni jaldi thoDi kholunga

is KHushbu se bas us ko mahkana hai

main mauqa aane par shishi kholunga

mil jaega chehra mere matlab ka

tab ja kar aankhon ki paTTi kholunga

tum ne waqt liya tha sikka chunne mein

so main bhi ab der se muTThi kholunga

yun na lage main us ki rah mein baiTha tha

is bari aaram se kunDi kholunga

class mein baiThe ghanTon dekhunga us ko

teacher Tokegi tab copy kholunga

socho mat bas bandho mere hathon ko

phir main jaanun kaise rassi kholunga