ek jam-e-ishq ne mujhe diwana kar diya

ik jām-e-ishq ne mujhe dīvāna kar diyā

ka.aba bhī mere vāste but-ḳhānā kar diyā

raushan huī hai jab se mire dil meñ sham-e-tūr

jān-e-hazīñ ko soz ne parvāna kar diyā

jaatī rahī ḳhabar vo milī be-ḳhudī mujhe

lo apne aap se mujhe begāna kar diyā

vo imtiyāz mujh ko milā jalva-gāh se

jis ne mirī gadā.ī ko shāhāna kar diyā

aql-o-ḳhirad se vāsta 'zīnat' ko kuchh nahīñ

Thokar ne ek hī use farzāna kar diyā

ek jam-e-ishq ne mujhe diwana kar diya

kaba bhi mere waste but-KHana kar diya

raushan hui hai jab se mere dil mein sham-e-tur

jaan-e-hazin ko soz ne parwana kar diya

jati rahi KHabar wo mili be-KHudi mujhe

lo apne aap se mujhe begana kar diya

wo imtiyaz mujh ko mila jalwa-gah se

jis ne meri gadai ko shahana kar diya

aql-o-KHirad se wasta 'zinat' ko kuchh nahin

Thokar ne ek hi use farzana kar diya