ek jhalak mein le gai sab luT kar achchha laga

ik jhalak meñ le ga.ī sab luuT kar achchhā lagā

us ne nazroñ se milā.ī jab nazar achchhā lagā

vo achānak mujh se milne aa.e ghar achchhā lagā

mere ġham kī kar ga.e pal meñ sahar achchhā lagā

dekh kar chehre ko un ke dekhtā hī rah gayā

ho gayā mujh par na jaane kab asar achchhā lagā

dil ke kāġhaz par ġhazal ban kar utar aa.ī hai vo

sochtā thā jis ko maiñ pahroñ-pahar achchhā lagā

husn vāloñ se mohabbat kā sila ye pā liyā

choT khaa.ī dil pe hai ghāyal jigar achchhā lagā

chain se vo bhī kahāñ hai chhoḌ kar 'shāriq' mujhe

jāgtī rahtī hai vo bhī rāt-bhar achchhā lagā

ek jhalak mein le gai sab luT kar achchha laga

us ne nazron se milai jab nazar achchha laga

wo achanak mujh se milne aae ghar achchha laga

mere gham ki kar gae pal mein sahar achchha laga

dekh kar chehre ko un ke dekhta hi rah gaya

ho gaya mujh par na jaane kab asar achchha laga

dil ke kaghaz par ghazal ban kar utar aai hai wo

sochta tha jis ko main pahron-pahar achchha laga

husn walon se mohabbat ka sila ye pa liya

choT khai dil pe hai ghayal jigar achchha laga

chain se wo bhi kahan hai chhoD kar 'shaariq' mujhe

jagti rahti hai wo bhi raat-bhar achchha laga