ek kar-e-garan hai khel nahin
ik kār-e-garāñ hai khel nahīñ
zindagī imtihāñ hai khel nahīñ
har qadam soch kar yahāñ rakhnā
dasht-e-umr-e-ravāñ hai khel nahīñ
ye miTī hai na miT sakegī kabhī
urdū-e-saḳht-jāñ hai khel nahīñ
tīrgī shab kī kyuuñ na dam toḌe
zaḳhm-e-dil zau-fishāñ hai khel nahīñ
kuchh bhī mumkin hai dekhiye kyā ho
lutf-e-chāra-garāñ hai khel nahīñ
jaane laavā sulag uThe kis vaqt
dil ki ātish-fishāñ hai khel nahīñ
kaun samjhegā un kī baat 'shafīq'
ā.inoñ kī zabāñ hai khel nahīñ
ek kar-e-garan hai khel nahin
zindagi imtihan hai khel nahin
har qadam soch kar yahan rakhna
dasht-e-umr-e-rawan hai khel nahin
ye miTi hai na miT sakegi kabhi
urdu-e-saKHt-jaan hai khel nahin
tirgi shab ki kyun na dam toDe
zaKHm-e-dil zau-fishan hai khel nahin
kuchh bhi mumkin hai dekhiye kya ho
lutf-e-chaara-garan hai khel nahin
jaane lawa sulag uThe kis waqt
dil ki aatish-fishan hai khel nahin
kaun samjhega un ki baat 'shafiq'
aainon ki zaban hai khel nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
