ek KHwab thi zindagi hamari

ik ḳhvāb thī zindagī hamārī

phir aañkh nahīñ khulī hamārī

duniyā se bhī phir nahīñ mile ham

vo bhī to kabhī na thī hamārī

din Dhal gayā ḳhvāb dekhne meñ

kaT jā.egī raat bhī hamārī

palkoñ pe ye phuul āñsuoñ ke

sahrā kī ye ret bhī hamārī

ik dhyān kī lahr ne Duboyā

ik yaad na ho sakī hamārī

Tāpoñ kī sadā sī us ke ġham kī

be-teġh sipāh thī hamārī

kab ho ga.ī mere qad se ūñchī

dīvār ye biich kī hamārī

dekhā to har aa.ine meñ ham the

ḳhud se huī baat bhī hamārī

aa.e ho to ye ġhazal bhī sun lo

be-vaqt kī rāgnī hamārī

ek KHwab thi zindagi hamari

phir aankh nahin khuli hamari

duniya se bhi phir nahin mile hum

wo bhi to kabhi na thi hamari

din Dhal gaya KHwab dekhne mein

kaT jaegi raat bhi hamari

palkon pe ye phul aansuon ke

sahra ki ye ret bhi hamari

ek dhyan ki lahr ne Duboya

ek yaad na ho saki hamari

Tapon ki sada si us ke gham ki

be-tegh sipah thi hamari

kab ho gai mere qad se unchi

diwar ye bich ki hamari

dekha to har aaine mein hum the

KHud se hui baat bhi hamari

aae ho to ye ghazal bhi sun lo

be-waqt ki ragni hamari