ek kutub-KHana hun apne darmiyan khole hue

ik kutub-ḳhāna huuñ apne darmiyāñ khole hue

sab kitābeñ safha-e-harf-e-ziyāñ khole hue

ik judā.ī par huuñ hairāñ jis tarah koī pahāḌ

qatl par hābīl ke apnā dahāñ khole hue

bad-duā-e-nā-rasā.ī kaam apnā kar chukī

apnī saarī parteñ hai kyuuñ āsmāñ khole hue

band rakkho muTThiyoñ ko ret uḌtī hai yahāñ

jaane kaun aa jaa.e dast-e-rā.egāñ khole hue

pal do pal kā saath hai ab raushnī kā chal paḌeñ

shaam hai ik katba-e-qabr-e-javāñ khole hue

sāhiloñ pe likkhī tahrīr-e-havā paḌhtā bhī kaun

kashtiyāñ thiiñ ḳhvāhishoñ ke bādbāñ khole hue

ek kutub-KHana hun apne darmiyan khole hue

sab kitaben safha-e-harf-e-ziyan khole hue

ek judai par hun hairan jis tarah koi pahaD

qatl par habil ke apna dahan khole hue

bad-dua-e-na-rasai kaam apna kar chuki

apni sari parten hai kyun aasman khole hue

band rakkho muTThiyon ko ret uDti hai yahan

jaane kaun aa jae dast-e-raegan khole hue

pal do pal ka sath hai ab raushni ka chal paDen

sham hai ek katba-e-qabr-e-jawan khole hue

sahilon pe likkhi tahrir-e-hawa paDhta bhi kaun

kashtiyan thin KHwahishon ke baadban khole hue