ek machalti hui aarzu ko liye

ik machaltī huī aarzū ko liye

dil meñ ik aas kā shoḳh dīpak jale

tum se milne kī ummīd meñ chal diye

jab bhī aage baḌhe ḳhud se hī ham mile

vo kisī ḳhvāb kī shoḳh ta.abīr the

qurb ke hausle gungunāne lage

ḳhud-farebī ke nange ujāle liye

ḳhvāb ke jangaloñ meñ rahe ghūmte

ajnabī soch ke ajnabī zā.iqe

dard ban kar diloñ meñ utarte rahe

terī chāhat machaltī rahī dam-ba-dam

ek rangīñ ġhazal kā tarannum liye

raat ke shoḳh shānoñ se āñchal girā

tīrgī thī nagan āsmāñ ke tale

ho ga.ī har taraf shabnamī raushnī

ashk palkoñ pe aakar machalne lage

raat bhar tishnagī hī machaltī rahī

chand bikhre hue ḳhvāb yakjā kiye

ajnabī dastakeñ ajnabī dhaḌkaneñ

zindagī ab mujhe kuchh ḳhafā sī lage

ek machalti hui aarzu ko liye

dil mein ek aas ka shoKH dipak jale

tum se milne ki ummid mein chal diye

jab bhi aage baDhe KHud se hi hum mile

wo kisi KHwab ki shoKH tabir the

qurb ke hausle gungunane lage

KHud-farebi ke nange ujale liye

KHwab ke jangalon mein rahe ghumte

ajnabi soch ke ajnabi zaiqe

dard ban kar dilon mein utarte rahe

teri chahat machalti rahi dam-ba-dam

ek rangin ghazal ka tarannum liye

raat ke shoKH shanon se aanchal gira

tirgi thi nagan aasman ke tale

ho gai har taraf shabnami raushni

ashk palkon pe aakar machalne lage

raat bhar tishnagi hi machalti rahi

chand bikhre hue KHwab yakja kiye

ajnabi dastaken ajnabi dhaDkanen

zindagi ab mujhe kuchh KHafa si lage