ek mahakte gulab jaisa hai
ik mahakte gulāb jaisā hai
ḳhūb-sūrat se ḳhvāb jaisā hai
maiñ use paḌhtī huuñ mohabbat se
us kā chehra kitāb jaisā hai
be-yaqīnī hī be-yaqīnī hai
har samundar sarāb jaisā hai
maiñ bhaTaktī huuñ kyuuñ añdheroñ meñ
vo agar āftāb jaisā hai
Dūbtī jaa.e ziist kī naav
hijr lamha chanāb jaisā hai
maiñ haqā.eq bayān kar dūñgī
ye gunah bhī savāb jaisā hai
chain miltā hai us se mil ke magar
chain bhī iztirāb jaisā hai
ab 'shabānā' mire liye vo shaḳhs
ek bhūle nisāb jaisā hai
ek mahakte gulab jaisa hai
KHub-surat se KHwab jaisa hai
main use paDhti hun mohabbat se
us ka chehra kitab jaisa hai
be-yaqini hi be-yaqini hai
har samundar sarab jaisa hai
main bhaTakti hun kyun andheron mein
wo agar aaftab jaisa hai
Dubti jae zist ki naw
hijr lamha chanab jaisa hai
main haqaeq bayan kar dungi
ye gunah bhi sawab jaisa hai
chain milta hai us se mil ke magar
chain bhi iztirab jaisa hai
ab 'shabana' mere liye wo shaKHs
ek bhule nisab jaisa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
