ek musht-e-par hun mujhko yaqinan sukun nahin
ek musht-e-par hun mujhko yaqinan sukun nahin
Fatima wasia Jayasi
MORE BYFatima wasia Jayasi
ik musht-e-par huuñ mujh ko yaqīnan sukūñ nahīñ
lekin havā uḌā ke jo le jaa.e yuuñ nahīñ
aksar zamāne vāloñ ne sochā hai is tarah
maujūd huuñ magar ye ḳhabar ho ki huuñ nahīñ
ḳhuddārī-e-mizāj kuchh itnī aziiz hai
mil jaa.e sab jahān to maiñ us ko duuñ nahīñ
vaa.iz ne yuuñ banā liyā ḳhud nazm-e-zindagī
hote raheñ gunāh pa us ko ginūñ nahīñ
nazzāra chāhiye to bayābāñ meñ aa.iye
sab kuchh vahāñ pe sach hai zarā sā fusūñ nahīñ
duniyā ye chāhtī hai 'vasīya' har ek se
apnī to sab kahūñ pe kisī kī sunūñ nahīñ
ek musht-e-par hun mujh ko yaqinan sukun nahin
lekin hawa uDa ke jo le jae yun nahin
aksar zamane walon ne socha hai is tarah
maujud hun magar ye KHabar ho ki hun nahin
KHuddari-e-mizaj kuchh itni aziz hai
mil jae sab jahan to main us ko dun nahin
waiz ne yun bana liya KHud nazm-e-zindagi
hote rahen gunah pa us ko ginun nahin
nazzara chahiye to bayaban mein aaiye
sab kuchh wahan pe sach hai zara sa fusun nahin
duniya ye chahti hai 'wasiya' har ek se
apni to sab kahun pe kisi ki sunun nahin
- Book : Dana Dana Khirman (Pg. 54)
- Author : Fatima wasia Jaisi
- Publication : Fatima wasia Jaisi (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
