ek purani sharab jaisa ishq

ik purānī sharāb jaisā ishq

mujh se ḳhāna-ḳharāb jaisā ishq

'mīr' kī ek ġhazal sā dil-afroz

ik muqaddas kitāb jaisā ishq

hai gunah bhī yahī ibādat bhī

āqibat ke hisāb jaisā ishq

kabhī sahrā kabhī samundar hai

kabhī gañgā ke aab jaisā ishq

sau duāoñ kā mustaqil ehsās

bandagī ke savāb jaisā ishq

āb-e-zam-zam hai is ko pī liije

hai muqaddas sharāb jaisā ishq

muḳhtasar bahr kī hai merī ġhazal

is ġhazal ke javāb jaisā ishq

kisī ma.ashūq ke badan kī mahak

ek taaza gulāb jaisā ishq

ek purani sharab jaisa ishq

mujh se KHana-KHarab jaisa ishq

'mir' ki ek ghazal sa dil-afroz

ek muqaddas kitab jaisa ishq

hai gunah bhi yahi ibaadat bhi

aaqibat ke hisab jaisa ishq

kabhi sahra kabhi samundar hai

kabhi ganga ke aab jaisa ishq

sau duaon ka mustaqil ehsas

bandagi ke sawab jaisa ishq

aab-e-zam-zam hai is ko pi lije

hai muqaddas sharab jaisa ishq

muKHtasar bahr ki hai meri ghazal

is ghazal ke jawab jaisa ishq

kisi mashuq ke badan ki mahak

ek taza gulab jaisa ishq