ek qatra-e-mani se afkar ka dariya ho
ik qatra-e-ma.anī se afkār kā dariyā ho
ai zarra-e-āgāhī ab phail ke sahrā ho
rafta rahe vābasta har haal darīche se
fardā ke jharokoñ meñ maazī kā ujālā ho
ai bichhḌī huī naddī kis dasht meñ bahtī hai
phir jānib-e-dariyā aa aur shāmil-e-dariyā ho
āfāq-e-bulandī se āvāz ye aatī hai
ik asr meñ shāmil ho ik pal se alāhada ho
lamhe kī haqīqat kyā sadiyoñ ke tanāzur meñ
lekin jise tū chāhe vo rashk-e-zamāna ho
is dhuup ke raahī ko anjām se kuchh pahle
ik aisī masāfat de jis par tirā saaya ho
aisā na ho vo māñge tasdīq kā ik lamha
aur ham ne vahī lamha mahfūz na rakkhā ho
ek qatra-e-mani se afkar ka dariya ho
ai zarra-e-agahi ab phail ke sahra ho
rafta rahe wabasta har haal dariche se
farda ke jharokon mein mazi ka ujala ho
ai bichhDi hui naddi kis dasht mein bahti hai
phir jaanib-e-dariya aa aur shamil-e-dariya ho
aafaq-e-bulandi se aawaz ye aati hai
ek asr mein shamil ho ek pal se alahada ho
lamhe ki haqiqat kya sadiyon ke tanazur mein
lekin jise tu chahe wo rashk-e-zamana ho
is dhup ke rahi ko anjam se kuchh pahle
ek aisi masafat de jis par tera saya ho
aisa na ho wo mange tasdiq ka ek lamha
aur hum ne wahi lamha mahfuz na rakkha ho
- Book : Urdu Adab (Pg. 47)
- Author : Iqbal Hussain
- Publication : Iqbal Hussain Publishers (Jan, Feb. Mar 1996)
- Edition : Jan, Feb. Mar 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
