ek qayamat waqt se pahle bapa hone ko hai
ek qayamat waqt se pahle bapa hone ko hai
Syed Nawab Haider Naqvi Rahi
MORE BYSyed Nawab Haider Naqvi Rahi
ik qayāmat vaqt se pahle bapā hone ko hai
ai ḳhudā.e mehrbāñ ab aur kyā hone ko hai
mausam-e-gul meñ ḳhizāñ sāya-fagan hai kis liye
darpai āzār kyā bād-e-sabā hone ko hai
jism-o-jāñ meñ qurbatoñ kī intihā ho jaa.e gar
jaan leñ phir dūriyoñ kī ibtidā hone ko hai
chhoḌ dī maiñ ne matā-e-ḳhvāb duniyā ke liye
hashr ik taqsīm par us kī bapā hone ko hai
dil dhaḌaktā hai yūñhī andesha-e-fardā hai kyuuñ
aisā lagtā hai ki koī hādisa hone ko hai
jal chukā merā nasheman dekhnā ye hai ki ab
aag phailegī kahāñ par aur kyā hone ko hai
chāñd-tāroñ kā safar 'rāhī' kareñge ek din
kā.enāt-e-be-karāñ ab zer-e-pā hone ko hai
ek qayamat waqt se pahle bapa hone ko hai
ai KHudae mehrban ab aur kya hone ko hai
mausam-e-gul mein KHizan saya-fagan hai kis liye
darpai aazar kya baad-e-saba hone ko hai
jism-o-jaan mein qurbaton ki intiha ho jae gar
jaan len phir duriyon ki ibtida hone ko hai
chhoD di main ne mata-e-KHwab duniya ke liye
hashr ek taqsim par us ki bapa hone ko hai
dil dhaDakta hai yunhi andesha-e-farda hai kyun
aisa lagta hai ki koi hadisa hone ko hai
jal chuka mera nasheman dekhna ye hai ki ab
aag phailegi kahan par aur kya hone ko hai
chand-taron ka safar 'rahi' karenge ek din
kaenat-e-be-karan ab zer-e-pa hone ko hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
