ek raushni ka zahr tha jo aankh bhar gaya

ik raushnī kā zahr thā jo aañkh bhar gayā

har dā.era vo soch kā maflūj kar gayā

thī āqibat kī ḳhāmushī tanhā.iyoñ kī chīḳh

duniyā ye kah rahī thī mirā vaqt mar gayā

jo shahr-e-dard meñ thā ghanī chhāñv kā shajar

kuchh dhuup thī kaḌī ki ḳhalā meñ utar gayā

kyā lutf-e-tishnagī thā mujhe kuchh ḳhabar nahīñ

kitne samundaroñ se maiñ pyāsā guzar gayā

kar ke jo barahna mujhe ġhairoñ kī bhiiḌ meñ

vo merā dard-e-zindagī jaane kidhar gayā

ye ajnabī se log ye anjān sā jahāñ

apne vajūd se hī maiñ shāyad guzar gayā

ek raushni ka zahr tha jo aankh bhar gaya

har daera wo soch ka mafluj kar gaya

thi aaqibat ki KHamushi tanhaiyon ki chiKH

duniya ye kah rahi thi mera waqt mar gaya

jo shahr-e-dard mein tha ghani chhanw ka shajar

kuchh dhup thi kaDi ki KHala mein utar gaya

kya lutf-e-tishnagi tha mujhe kuchh KHabar nahin

kitne samundaron se main pyasa guzar gaya

kar ke jo barahna mujhe ghairon ki bhiD mein

wo mera dard-e-zindagi jaane kidhar gaya

ye ajnabi se log ye anjaan sa jahan

apne wajud se hi main shayad guzar gaya