ek rose jo gulshan mein wo jaan-e-bahaar aae

ik roz jo gulshan meñ vo jān-e-bahār aa.e

kaliyoñ pe shabāb aa.e phūloñ pe nikhār aa.e

nazroñ ke tasādum meñ thiiñ zabt kī tākīdeñ

kyā jaane samajh kar gayā ham dil ko bhī haar aa.e

ehsās-e-takabbur meñ had se na guzar jaa.eñ

shāyad isī matlab se phūloñ meñ bhī ḳhaar aa.e

tauba ke taqaddus kā qaa.il to huuñ maiñ lekin

paimāna baḌhā denā jab abr-e-bahār aa.e

achchhā huā 'hāmid' kā duniyā se guzar jaanā

ik bojh thā jo sar se ahbāb utaar aa.e

ek roz jo gulshan mein wo jaan-e-bahaar aae

kaliyon pe shabab aae phulon pe nikhaar aae

nazron ke tasadum mein thin zabt ki takiden

kya jaane samajh kar gaya hum dil ko bhi haar aae

ehsas-e-takabbur mein had se na guzar jaen

shayad isi matlab se phulon mein bhi KHar aae

tauba ke taqaddus ka qail to hun main lekin

paimana baDha dena jab abr-e-bahaar aae

achchha hua 'hamid' ka duniya se guzar jaana

ek bojh tha jo sar se ahbab utar aae