ek sans ki maddham lau to yahi ek pal to yahi ek chhin to yahi

ik saañs kī maddham lau to yahī ik pal to yahī ik chhin to yahī

taj do ki barat lo dil to yahī chun lo ki gañvā do din to yahī

larzāñ hai lahū kī ḳhalījoñ meñ pechāñ hai badan kī nasījoñ meñ

ik bujhte hue sho.ale kā safar kuchh din ho agar kuchh din to yahī

bal khaa.e dikhe nazroñ se rise sāñsoñ meñ bahe sochoñ meñ jale

bujhte hue is sho.ale ke jatan hai kuchh bhī agar kuchh din to yahī

maiñ zehn pe apne gahrī shikan maiñ sidq meñ apne bhaTkā huā

in bandhanoñ meñ ik añgḌā.ī manzil hai jo koī kaThin to yahī

is Dhab se ji.eñ sīnoñ ke sharar jhoñkoñ meñ ghuleñ qadroñ meñ tuleñ

kāvish hai koī mushkil to yahī koshish hai koī mumkin to yahī

phir barf girī ik guzrī huī pat-jhaḌ kī bahāreñ yaad aa.iiñ

is rut kī nachant havāoñ meñ haiñ kuchh Tīseñ itnī dukhan to yahī

ek sans ki maddham lau to yahi ek pal to yahi ek chhin to yahi

taj do ki barat lo dil to yahi chun lo ki ganwa do din to yahi

larzan hai lahu ki KHalijon mein pechan hai badan ki nasijon mein

ek bujhte hue shoale ka safar kuchh din ho agar kuchh din to yahi

bal khae dikhe nazron se rise sanson mein bahe sochon mein jale

bujhte hue is shoale ke jatan hai kuchh bhi agar kuchh din to yahi

main zehn pe apne gahri shikan main sidq mein apne bhaTka hua

in bandhanon mein ek angDai manzil hai jo koi kaThin to yahi

is Dhab se jien sinon ke sharar jhonkon mein ghulen qadron mein tulen

kawish hai koi mushkil to yahi koshish hai koi mumkin to yahi

phir barf giri ek guzri hui pat-jhaD ki bahaaren yaad aain

is rut ki nachant hawaon mein hain kuchh Tisen itni dukhan to yahi