ek shahr-e-nasapas ka nauha hai aur main

ik shahr-e-nāsapās kā nauha hai aur maiñ

ab sub.h-o-shām vus'at-e-sahrā hai aur maiñ

ummīd-o-intizār kā vaqfa hai aur maiñ

dil hai vo nīm-bāz darīcha hai aur maiñ

phir nik.hat-e-sabā ke ta'āqub kā hai junūñ

phir dil-lagī kā ek vasīla hai aur maiñ

tum ne ye kis maqām pe chhoḌā hai merā saath

kis kis pe chārasāzī kā dhoka hai aur maiñ

hālāt pur-sukūn na māhaul sāzgār

parvardigār terā sahārā hai aur maiñ

allāh ek vaqt meñ kis kis ko duuñ javāb

vo haiñ junūn-e-shauq hai duniyā hai aur maiñ

ek shahr-e-nasapas ka nauha hai aur main

ab subh-o-sham wus'at-e-sahra hai aur main

ummid-o-intizar ka waqfa hai aur main

dil hai wo nim-baz daricha hai aur main

phir nikhat-e-saba ke ta'aqub ka hai junun

phir dil-lagi ka ek wasila hai aur main

tum ne ye kis maqam pe chhoDa hai mera sath

kis kis pe chaarasazi ka dhoka hai aur main

haalat pur-sukun na mahaul sazgar

parwardigar tera sahaara hai aur main

allah ek waqt mein kis kis ko dun jawab

wo hain junun-e-shauq hai duniya hai aur main