ek shaKHs jo mila tha bahut koshishon ke baad

ik shaḳhs jo milā thā bahut koshishoñ ke baa'd

us ne bhī saath chhoḌ diyā qurbatoñ ke baa'd

is shahr-e-ajnabī meñ milegā sukūn ab

ik mai-kada dikhā hai ka.ī masjidoñ ke baa'd

is meñ qadam bhī soch samajh kar rakhoge kyā

ye 'ishq hai ye hotā nahīñ tajraboñ ke baa'd

ham bā’d-e-vasl jab bhī ga.e mai-kade kī samt

kaḌvī lagī sharāb tumhāre laboñ ke baa'd

ai nāma-bar ye kahnā ki achchhā nahīñ kiyā

ik muḳhtasar javāb diyā sau ḳhatoñ ke baa'd

yaañ log TuuT jaate haiñ ik hijr meñ 'asar'

maiñ huuñ ki jī rahā huuñ ka.ī hādsoñ ke baa'd

ek shaKHs jo mila tha bahut koshishon ke ba'd

us ne bhi sath chhoD diya qurbaton ke ba'd

is shahr-e-ajnabi mein milega sukun ab

ek mai-kada dikha hai kai masjidon ke ba'd

is mein qadam bhi soch samajh kar rakhoge kya

ye 'ishq hai ye hota nahin tajrabon ke ba'd

hum ba’d-e-wasl jab bhi gae mai-kade ki samt

kaDwi lagi sharab tumhaare labon ke ba'd

ai nama-bar ye kahna ki achchha nahin kiya

ek muKHtasar jawab diya sau KHaton ke ba'd

yan log TuT jate hain ek hijr mein 'asar'

main hun ki ji raha hun kai hadson ke ba'd