ek sukun sa dikhta hai aap ke anup mein

ik sukūñ sā dikhtā hai aap ke anuup meñ

jaise koī baiThā ho sardiyoñ kī dhuup meñ

ek baar jo milā vo to ho gayā tirā

koī jaadū Tonā hai tere rang ruup meñ

merā bas chale to maiñ chāñd tum pe vaar duuñ

terā haq ye bantā hai bā-ḳhudā sarūp meñ

merī zaat meñ to ab zaat ek hai basī

jā-ba-jā makīn hai jism-o-jāñ ke luup meñ

sab makān jis ke haiñ aur lā-makāñ hai jo

jis ke saare ruup haiñ rahtā hai aruup meñ

dozaḳhoñ kī aag yuuñ duur ham se ho ga.ī

baḳhsh dī bahisht jo rab ne maañ ke ruup meñ

DhūñDte ho tum 'zafar' kin ke raaz ko abhī

ham ne vo bhī pā liyā jo chhupā nirūp meñ

ek sukun sa dikhta hai aap ke anup mein

jaise koi baiTha ho sardiyon ki dhup mein

ek bar jo mila wo to ho gaya tera

koi jadu Tona hai tere rang rup mein

mera bas chale to main chand tum pe war dun

tera haq ye banta hai ba-KHuda sarup mein

meri zat mein to ab zat ek hai basi

ja-ba-ja makin hai jism-o-jaan ke lup mein

sab makan jis ke hain aur la-makan hai jo

jis ke sare rup hain rahta hai arup mein

dozaKHon ki aag yun dur hum se ho gai

baKHsh di bahisht jo rab ne man ke rup mein

DhunDte ho tum 'zafar' kin ke raaz ko abhi

hum ne wo bhi pa liya jo chhupa nirup mein